Татар шәмаиленең тарихы һәм бүгенгесе турында лекцияләрдә сөйләячәкләр

Бүген Гавами урыннар ишегалдында 19:00 сәгатьтә татар шәмаиленең тарихына һәм бүгенгесенә багышланган лекция узачак, дип хәбәр итә «Казан Кремле» музей-тыюлыгының матбугат хезмәте. Спикер булып КФУның дин белеме кафедрасының өлкән укытучысы Илшат Гыймадиев чыгыш ясаячак.
Шәмаил – татар-мөселманнарының үзенчәлекле сынлы сәнгать жанры. Ул визуаль образны һәм сакраль текстны берләштерә, бер үк вакытта сәнгать әсәре, әдәби һәйкәл һәм дини үгет-нәсыйхәт булып тора.
Очрашу  Буа янындагы амфитеатрда башлана. Һава торышы начар булган очракта, аны Гавами урыннар бинасына күчерәчәкләр (4 нче подъезд, 2 нче кат). Керү ирекле.

Фәния Лотфуллина

Фото: Денис Гордийко