Татар теленнән БДИны 9, татар әдәбиятыннан 1 укучы тапшыра

Быел Татарстанда татар теленнән бердәм дәүләт имтиханын 9 укучы тапшырган. Бу турыда Татарстан Мәгариф һәм фән министрлыгының матбугат хезмәте хәбәр итте.
Татар теленнән БДИ тапшырган Халыкара олимпиада җиңүчесе Ихтыяр Кыямов татар әдәбиятыннан да имтихан бирәчәк. Ул –  татар әдәбиятыннан имтихан сайлаучы бердәнбер укучы.

• Татар теленнән бердәм дәүләт имтиханын тапшыру турында мәгълүматлар:


• 2008 елда татар теленнән БДИны 385 укучы;


• 2016 елда татар теленнән БДИны 67 укучы;


• 2017 елда татар теленнән БДИны 74 укучы;


• 2018 елда татар теленнән БДИны 18 укучы;


• 2019 елда татар теленнән БДИны 15 укучы;


• 2020, 2021 елларда пандемия сәбәпле имтихан булмады;


• 2022 елда 1 укучы.

tatar-inform.ru