Татарстанда давыл турында кисәтү игълан ителде

Һава шартлары начарлану көтелү сәбәпле, Татарстанның Гидрометереология үзәге давыл турында кисәтү ясады.
Якшәмбе, 9 июль, 16.00 сәгатьтән, дүшәмбе, 10 июль, 21.00 сәгатькә кадәр, республика территориясендә урыны белән яшен, яңгыр һәм боз явуы көтелә. Җил тизлеге кыска вакытка секундына 15–20 метрга, урыны белән секундына 24 метрга кадәр көтелә.
Казан федераль университеты профессоры, география фәннәре докторы Юрий Переведенцев атлантик циклон төбәккә озак көтелгән салкын һәм явым-төшемне 11 июльдә генә китерәчәк, дип фаразлаган иде.