Логотип Магариф уку
Цитата: Кадерле сүз ишетсәң, аклың артыр (Утыз Имәни)

Татарстанда инженерлык мәктәпләре булдырылды

Миңнеханов: «Ике ел эчендә Татарстанда 6 алдынгы инженерлык мәктәбе булдырылды».

Ике ел эчендә Татарстанда 6 алдынгы инженерлык мәктәбе булдырылды. Бүген Татарстан Республикасы Рәисе Рөстәм Миңнеханов Президент Владимир Путинга шулай дип җиткерде. Бу хакта һәм республиканың заманча мәгариф инфраструктурасын булдыру өлкәсендә эшчәнлегенең нәтиҗәләре турында ул Әлмәттә югары нефть мәктәбен ачу тантанасында сөйләде. Дәүләт башлыгы чарада видеоэлемтә форматында катнашты.

«Илебезнең технологик суверенитетын тәэмин итү буенча сез куйган бурычны без Россия Фән һәм югары белем министрлыгы һәм безнең индустриаль партнерлар белән бергә хәл итәбез. Аерым алганда, соңгы ике елда республикада 6 алдынгы инженерлык мәктәбе булдырылды һәм эшли: Казан федераль университеты КАМАЗ белән берлектә — Чаллы шәһәрендә, технология университеты СИБУР компаниясе белән берлектә — Түбән Камада, Иннополис университеты Газпром белән берлектә, техник университет Ростех белән берлектә самолет-вертолет төзелеше өлкәсендә», — дип санады Миңнеханов.

Ул шулай ук республиканың башка уңышларын да билгеләп үтте. Аерым алганда, Татарстанның биш университеты федераль конкурс барышында сайлап алу узды һәм «Приоритет-2030» программасына керде.

«Федераль министрлык ярдәме белән безнең башка югары уку йортларының кампуслары да актив үсеш ала», — диде Рәис, Иннополис университетында һәм Казанда тулай тораклар ачылуын искә төшереп.

Моннан тыш, «Университет технология эшмәкәрлеге платформасы» федераль проекты ярдәмендә ике ел эчендә республиканың 442 студент стартабы югары технологияле бизнес булдыруга 1 млн сумлык финанс ярдәме алган.

«Тагын бер тапкыр илнең фәнни-технологик үсешенә федераль ярдәм чаралары өчен рәхмәт белдерәсем килә. Һәм сез куйган барлык бурычлар да уңышлы үтәләчәк дип ышандырам», — диде Миңнеханов.

«Мин шикләнмим дә», — дип җавап бирде Президент.

Чыганак: "Татар-информ"

Язмага реакция белдерегез

0

0

0

0

0

Реакция язылган инде

Комментарийлар

БАШКА ЯЗМАЛАР

Ишетми калмагыз

Аудиоязмалар

  • Гильм Камай

  • Җәлилнең якын дусты

  • Ирек Нигъмәти - "Кояш сүнде ул йортта"

  • Ләйлә Минһаҗева - "Милләтебезгә тугры, буыннарга үрнәк шәхес"


ТӘКЪДИМ ИТӘБЕЗ