Татарстанда туризм киң колач ала

31 января 2024 Мөршидә КЫЯМОВА

2025 елга кадәр үзләштерелергә тиешле «Туризм һәм кунакчыллык индустриясе» илкүләм проектын гамәлгә ашыру өчен Татарстан 1,7 млрд сумнан артык акча алган. Бу хакта Татарстан хөкүмәтенең рәсми сайты хәбәр итә.

2022 елда – 1,7 млрд 530 млн сум, 2023 елда 817 млн сум тотылган, ә 2024 елга 419 млн сум планлаштырылган. «Туризм һәм кунакчыллык индустриясе» илкүләм проекты Россия Федерациясендә Президент Владимир Владимирович Путин инициативасы белән барлыкка килде. Илгә мондый проект булдырырга кирәкме-юкмы икәнлеге турында бик күп бәхәсләр барды. Ләкин Президент карары берсүзсез кабул ителде, - ди ТР Туризм буенча дәүләт комитеты рәисе Сергей Иванов.

Шулай ук ул республикада туризмны үстерү буенча планнар күп булуына да басым ясады. Татарстан шунда ук илкүләм проектны гамәлгә ашыруга кушылды. Мәсәлән, әлеге программа кысаларында республикада Мәскәү һәм Санкт-Петербургтан чартер рейслары оештырылган.

Материал, фото: Мөршидә Кыямова