Тукай музеенда безнең күргәзмә

Г.Тукай әдәби музеенда “Мәгариф”, һәм “Гаилә һәм мәктәп” журналлары игълан иткән “Тукай әкиятләре  дөньясында” конкурсына килгән эшләрдән тупланган күргәзмәгә Г.Тукай исемендәге Дәүләт премиясе лауреаты, рәссам-каллиграф Нәҗип Нәккаш бәя бирде.

- Һәркем үзенчә күрә, төрле материаллар кулланып эшли. Батикларны, алтын, көмеш  җепләр кулланып  башкарылган  чигешләрне күреп сокландым, бик матур эшләр. Тукайны укырга, өйрәнергә һәм халыкка шушы рәвешле дә җиткерергә кирәк, - дип, ул яшь рәссамнарга иҗат уңышлары теләде.

Педагог укытучылар Гөлнур Солтанова, Айгөл Вәлиуллина үз чиратларында, мондый конкурслар безгә кабат-кабат Тукай иҗатына мөрәҗәгать итәргә өнди, дип белдерделәр һәм  “Мәгариф”, һәм “Гаилә һәм мәктәп”журналларына балалар иҗатына зур игътибар биргән өчен  рәхмәтләрен җиткерделәр.