Укучылар «Сәламәт яшәү рәвеше» дәресләре циклында катнашачак

Укытучылар  һәм остазлар елында «Яшәү өчен өйрәнәбез: ЗОЖ онлайн-проектының яңа сезоны башланды, дип хәбәр итә Татарстан Мәгариф министрлыгының матбугат үзәге. Анда ярты миллионнан артык кеше катнашучы һәм тамашачы булыр дип көтелә.
Мәктәп укучылары, педагоглар һәм ата-аналар алдында табиблар, психологлар, спортчылар һәм галимнәр чыгыш ясаячак. Май – июнь айларында  барлыгы  ун дәрес узачак, аларның һәркайсы яшь буын өчен актуаль темага багышланган. Мәсәлән, экспертлар прокрастинация (эшләрне даими рәвештә кичектереп торуга тартым), фастфуд, психотравмалар һәм эмоцияләр, спорт йөкләнешләре, диеталар һәм стресс турында сөйләячәкләр. 
Проектның генераль мәгълүмати партнеры  «ВКонтакте» социаль челтәре.
Онлайн-очрашулар язмаларын,  психологларның һәм табибларның материалларын проект сайтында табарга  мөмкин.

Фәния Лотфуллина