Мәгариф сораулары буенча кайнар линия

Татарстанлылар балалар бакчалары, мәктәп, махсус һәм югары уку йортларына кагылышлы сорауларны  бүген көндезге сәгать икегә кадәр 8(843) 236-00-71, +7(960)049-68-14 (ватсап) номерлары буенча белгечләргә юллый алачак. Халык гозерен Татарстан Республикасында Кеше хокуклары буенча вәкаләтле вәкиле Сәрия Харис кызы Сабурская белән берлектә Татарстан Дәүләт Советы депутатлары, "Мәрхәмәт-Милосердие" берләшмәсе әгъзалары, министрлыклар һәм ведомство вәкилләре тыңлый. 
Телефон аша мөрәҗәгатьләр, башлыча, балалар бакчаларына, мәктәптә белем бирүгә кагылышлы. Ата-аналарны аеруча электрон көндәлек, дәреслекләр сыйфаты, тел мәсьәләләре борчый. Мөмкинлектән файдаланып, шалтыратучылар социаль юнәлешкә кагылышлы  сорауларын да җиткерделәр.

Автор фотосы