500 тасма таратылды

6 ноябрьдә Татарстан Республикасының төп документына 28 ел тулды. Бу көнне республикабызның башкаласы Казан шәһәрендә волонтерлар Татарстан флагы төсендә тасмалар тараттылар. Акция Бауман урамында һәм М.Горький исемендәге үзәк ял паркында үтте.
Бәйрәм яллар белән 3 көнгә сузылды. “Татарстан Республикасы Конституциясе көнен ничек билгеләп үттегез?” – дигән сорауга укытучыларның һәммәсе диярлек “Ял итеп” дип җавап бирде. Көннәр артык җылылыгы белән куандырмаса да, кемнәрдер балалары белән табигатькә чыккан, кемнәрдер тәмле сыйлар әзерләп, гаиләдәшләрен сөендергән, кемнәрдер китап укыган, кемнәрдер йокы туйдырган.
Раушания ЗАРИПОВА