Лениногорскида мордва халкы кич утыруы булды

Лениногорск Мәдәният сараенда Гаилә елына багышланган мордва халкы кич утырулары узган. Аны шәһәрнең «Эрзянка» мордва халык ансамбле оештырган. Бу хакта "Татар-информ" ВКонтакте социаль челтәрендәге Лениногорск шәһәре Мәдәният сараеның сәхифәсенә сылтанып, хәбәр итә.

Тамашачылар мордва һәм рус халык җырларын көйләгән, әйлән-бәйлән әйләнгән, такмаклар җырлаган. Кич утыруның кунаклары булып Ивановка авылыннан «Ивушка» ансамбле килгән булган.

Шуны да әйтеп үтәргә кирәк: Мәдәният сараенда мордва халкының «Вишка лейне» балалар ансамбле дә эшләп килә. Балалар үз милләтенең традицияләрен һәм гореф-гадәтләрен онытмый.