«Мәгариф»тә - мөслимнәр, бәйгеләр, заманча дәресләр...

Милли мәгарифкә багышланган  махсус сан тиздән укучылар хозурына барып ирешәчәк. “Мәгариф” журналының август ае саны укытучыларның республикакүләм август киңәшмәсенә багышлап әзерләнде, шуңа күрә дә күпчелек язма һәм дәресләр әлеге чараның быелгы “хуҗалары” - мөслимнәр тарафыннан тәкъдим ителә.

Яңа уку елында мәгариф өлкәсендә нинди үзгәрешләр көтелә? Бу сорауга Татарстан мәгариф һәм фән министрлыгы вәкилләре белән оештырылган түгәрәк өстәлдән әзерләнгән язмада тәфсилләп җавап бирелә.

Бүгенге көн кадагындагы иң кискен темаларның берсе - яшүсмерләрнең социаль челтәрләр, көндәлек матбугат чаралары аша экстремистик оешмаларга эләгү сәбәпләренә багышланган язмаларга да лаеклы урын бирелгән.

Журналның бу санында шулай ук “Авыл укытучысы” бәйгесенең беренче этабына йомгак ясала. Ә “ФДББС буенча иң яхшы дәрес” дигән һөнәри конкурска килгән дәрес эшкәртмәләре басыла башлый.