Өй эшенә күпме вакыт сарыф ителергә тиеш?

14 август 2026 Мәгариф

Россия мәктәпләрендә укучыларның өй эшләрен башкаруына сарыф ителә торган вакыт буенча чикле нормалар билгеләнгән. Бу хакта РФ Мәгариф министрлыгы эксперты, Леднев исемендәге Белем бирү эчтәлеге һәм укыту методлары институты җитәкчесе Максим Костенко хәбәр итте, дип яза РИА Новости.

2–3 нче сыйныф укучылары өчен өй эшләренә көненә 1,5 сәгатьтән, 4–5 нче сыйныфлар өчен ике сәгатьтән, 6–8 нче сыйныфлар өчен 2,5 сәгатьтән, 9–11 нче сыйныфлар өчен 3,5 сәгатьтән артык вакыт бирелмәскә тиеш.

Эксперт сүзләренчә, беренче сыйныф укучыларына өй эше бирелмәү балаларның мәктәпкә ияләшү чорында өстәмә йөкләнешне киметергә мөмкинлек бирә.