Син «Тукай әкиятләре дөньясында» мы?

«Тукай әкиятләре дөньясында» конкурсына быел 100 гә якын эш килде. Татарстан Рәссамнар берлеге әгъзалары  халык рәссамы Мөдәррис Минһаҗев, Расиха Фаизова, Иза Сәйдәшева, Екатерина Сафина, Джумабек Базарбаевлар  белән берлектә ул эшләрне  карап урыннар билгеләнде.   Жюри фикеренчә, быел яшь рәссамнарның эшләрендә сыйфат, бирелеш , башкару техникасы ягыннан үсеш күренеп тора.
Узган ел конкурска килгән  эшләрдән 1 июнь – Халыкара балаларны яклау көнендә Сәйдәш мәдәният йортында зур күргәзмә оештырылган иде.  Яшь рәссамнарга эшләрен күрсәтергә быел да шундый форсат чыгар дип өметләник.
                                                                 
 
                                                                 
Расиха Фаизова
автор фотолары