V Казан глобаль яшьләр саммитында КФУ фән фестивале узачак

Казан федераль университетының фәнни-популяр проекты быел үзенең 20 еллыгын билгели. Фестиваль 29 августта Кремль урамы, 35 йорт адресы буенча узачак.

Быелгы фестивальнең төп темасы — «Галәм һәм вакыт». Чара философиясе фәнни Галәм буенча сәяхәт тирәсендә корыла: һәр интерактив зона аерым «белем территориясе» булачак, ә кунаклар маршруты теориядән практикага бердәм хәрәкәтне чагылдырачак. Килүчеләр өчен фәнни интерактивлар, күренекле галимнәрдән ачык лекцияләр, кино-күрсәтүләр, шулай ук универ-шоу кергән бай программа әзерләнгән.

Юбилей сезонының үзенчәлеге — аның республика күләмендә узуы. Беренче тапкыр чараны оештыруга Татарстанның алдынгы югары уку йортлары кушыла. Үз проектларын һәм тәҗрибәләрен КНИТУ-КХТИ, Н. Г. Жиганов исемендәге Казан дәүләт консерваториясе, КазГИК, КГЭУ, Идел буе дәүләт физик культура, спорт һәм туризм университеты, шулай ук Яр Чаллы дәүләт педагогика университеты тәкъдим итәчәк.

Фестивальгә керү ирекле, әмма оештыручылар теләүчеләрдән махсус сылтама буенча  PROнаука в КФУ: пространство и время алдан теркәлүне үтәргә сорый.

Искәртеп узабыз, V Казан глобаль яшьләр саммиты 40 илдән 250 гә якын делегатны берләштерәчәк. Форумның төп темасы — «Глобаль үзгәрешләр чорында белем: тотрыклы үсеш өчен кадрлар». Катнашучылар арасында яшьләр эшләре, мәгариф һәм фән идарәләре җитәкчеләре, халыкара экспертлар һәм яшь лидерлар бар. Деловая программадан тыш, шәһәрлеләр һәм туристлар өчен ачык белем бирү сессияләре һәм мәдәният фестивале оештырылачак.

Саммитны оештыручылар — ТР Хөкүмәте, РФ Фән һәм югары белем министрлыгы, Ислам хезмәттәшлеге оешмасының Яшьләр форумы һәм КФУ.

Гүзәл Закирова фотосы