Бердәм дәүләт имтиханы нәтиҗәләре

Республикада рус теле һәм математика буенча бердәм дәүләт имтиханнарының нәтиҗәләре билгеле булды.

Быел чыгарылыш сыйныфны тәмамлаучы 16 314 укучы рус теле буенча БДИ тапшырган. Уртача балл – 66,66. Кырык укучы минималь балл җыя алмаган. 71 е рус теле буенча 100 балл туплаган.

Профильле математика буенча имтиханны барлыгы 9595 укучы тапшырган. Уртача балл – 71,40. 152 укучы минималь балл җыя алмаган. Ә 137 се әлеге фән буенча 100 балл туплауга ирешкән.

База дәрәҗәсендәге математикадан исә барысы 6700 укучы БДИ тапшырган. Уртача билге – 4,39. Шул ук вакытта 98 бала имтиханны бирә алмаган.