Булачак инженерлар әзерләү проекты

Яңа уку елы башлану белән Казанның ун мәгариф учреждениесендә – 6, 19, 33,174, 189 нчы гимназияләрдә; 30, 34 нче мәктәпләрдә; 35, 78, 177 нче лицейларда – инженерлык-технология сыйныфлары ачылачак. Проект шәһәр югары уку йортлары һәм индустриаль партнёр белән берлектә гамәлгә ашырыла.

Компания мәктәпләрне инженерлык җиһазлары белән тәэмин итәчәк, мәктәпләр белән бергә эш программалары уйлап табачак, педагогларны сайлап алуны һәм аларны кызыксындыруны оештырачак, шулай ук укучыларга югары уку йортларының лаборатория базаларына юл ачачак.

Фото: mon.tatarstan.ru