Быелгы нәтиҗәләр буенча ТР — Россиянең төбәк-лидерлары исемлегендә

23 декабрь 2025 Мәгариф

Бүген, 23 декабрьдә, Бөтенроссия мәгариф министрлары киңәшмәсендә 2025 ел нәтиҗәләре буенча Татарстан Россиянең иң яхшы төбәкләре бишлегенә керүе билгеле булды.

Чара 22–24 декабрьдә «Россия — мөмкинлекләр иле» Президент платформасының «Сенеж» идарәсе остаханәсендә уза.

Киңәшмә кысаларында Россия Федерациясе Президентының иҗтимагый проектлар идарәсе башлыгы Сергей Новиков Татарстан Республикасы мәгариф һәм фән министры Илсур Һадиуллинга Россия Федерациясе Президенты Администрациясе җитәкчесенең беренче урынбасары Сергей Кириенконың Рәхмәт хатын тапшырды. Бүләк балаларны һәм яшьләрне тәрбияләү өлкәсендә ата-аналарның инициативаларын актив яклаган өчен тапшырылды.