Казан марафонында 45 мең йөгерүче катнашачак

30 апрель 2026 Мәгариф

Быел Казан марафонында Россиянең 78 төбәгеннән һәм 39 илдән 45 мең йөгерүче катнашачак. Ярышның приз фонды 10 млн сумнан артык сумманы тәшкил итәчәк.

Казан марафоны 1 майдан 3 майга кадәр узачак. Ярышларның йомгаклау көнендә марафон буенча Россия чемпионаты узачак. Чара трансляциясе «Матч ТВ» федераль телеканалы эфирында күрсәтеләчәк.

Узган еллар белән чагыштырганда чит илләрдән катнашучылар саны да рекордлы булачак – 876 кеше. Аларның кайберләре Казан марафонында катнашу өчен Белоруссиядән, Казахстаннан, Үзбәкстаннан, Кыргызстаннан, Германиядән һәм Кениядән килгән.

Фото: Татар-информ