Казанда Илһам Шакиров һәм Әлфия Авзалованы искә алдылар
15 гыйнварда Әлфия Авзалованың тууына 91 ел, 16 гыйнварда исә Илһам Шакировның вафатына бүген биш ел булды.
Кичә татар милләтенең мәшһүр җырчылары Илһам Шакиров һәм Әлфия Авзалованы искә алдылар. Казанның Яңа Татар бистәсе зиратында Г.Тукай исемендәге Татар дәүләт филармониясе коллективы мәрхүм җырчыларны искә алу һәм каберләренә чәчәк салуны оештырды.
Исегезгә төшереп узабыз: 15 гыйнварда Әлфия Авзалованың тууына 91 ел, 16 гыйнварда исә Илһам Шакировның вафатына бүген биш ел булды. «Татар дәүләт филармониясе сәхнә ветераннары мәшһүрләребез турында кызыклы истәлекләр сөйләде. Казанның Ш.Мәрҗани исемендәге мәчет дин әһелләре тарафыннан мәрхүмнәр рухына атап, Коръән аятьләре укып дога кылынды», – дип хәбәр итте филармониянең музей мөдире Алсу Хәкимова.
Искә алу чарасын Татарстанның халык артисты Фердинанд Сәлахов алып барды. Татар дәүләт филармониясе директоры Кадим Нуруллин Әлфия Авзалова, Илһам Шакиров турында җылы хатирәләре белән уртаклашты.
Мөршидә Кыямова
Фото: Гөлия Имамова
Галерея
Язмага реакция белдерегез
Вход на сайт
Татарстанда буран, көчле җил булуы көтелә
17 гыйнварда республикада кар явачак, урыны белән көчле буран көтелә.
Татарстан Республикасының Гидрометеоүзәге хәбәр итүе буенча, бүген төбәктә болытлы һава торышы, урыны белән көчле буран көтелә.
Җил көньяк-көнчыгыштан секундына 15–20 метр тизлектә, урыны белән 25–27 метрга кадәр җитәргә мөмкин.
Һава температурасы көндез -3 тән -8 градуска кадәр тәшкил итә.
Юлларда бозлавык саклана.
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар