Казанда «Милли кием» фестивале узачак

30 августта Кабан күле буенда «Милли кием» чарасы узачак, анда теләгән һәркем үз халкының милли костюмында килә ала, дип хәбәр итә Казан мэриясе.
Фестиваль 12:00 сәгатьтән 21:00 сәгатькә кадәр узачак. Бу вакытта Мәрҗани урамы җәяүлеләр өчен генә ачык була.
Программада милли айдентика белән эшләүче дизайнерлар һәм брендлар маркеты; милли аксессуарлар ясау мастер-класслары; милли киемнәрне киеп мода күрсәтү; ТР Филармония джаз оркестры чыгышы; костюмнар һәм аксессуарларга багышланган экскурсияләр каралган.
Чара режиссер Айдар Җәббаровның «Тукай Казанга кайтты...» авторлык спектакле белән тәмамланачак.
Шулай ук танылган татар эшлеклеләре образларына багышланган «Кием галәме» күргәзмәсе дә ачылачак.

Фәния Лотфуллина