Ләйлә Фазлыеваның Әтиләр көне белән котлавы

20 октября 2024 Мәгариф

Татарстан Республикасы Премьер-министры урынбасары Ләйлә Фазлыева Әтиләр көне белән котлады.

"Хөрмәтле әтиләр! 20 октябрьдә Россия Федерациясендә мөһим һәм әһәмиятле бәйрәм – Әтиләр көне билгеләп үтелә!

Һәркайсыбызның тормышында әти кешенең әһәмиятен бәяләп бетереп булмый: әти һәрвакыт ата киңәше, кыскасы, гамәле белән хуплаячак, балаларының уңышларына һәм казанышларына чын күңелдән сөенәчәк, әтинең авыр минутларда күрсәткән зирәклеге һәм тынычлыгы аркасында бөтен гаилә көч, ныклык, ышаныч казана!

Аерым рәхмәт сүзләрен әти-ирләргә, махсус хәрби операциядә катнашучыларга юллыйсым килә. Сез – безнең барыбыз өчен дә: улларыбыз, кызларыбыз, Татарстан Республикасының һәм Россия Федерациясенең барлык халкы өчен бәхәссез батырлык һәм кыюлык үрнәге.

Әти булу – бик катлаулы һәм игелекле миссия, әти ул – дус, остаз, нәкъ менә аның кайгыртуы һәм яклавы безне гомеребез буена саклап килә. Татарстан Республикасы хөкүмәте һәм шәхсән үз исемемнән кадерле әтиләребезне күркәм бәйрәмнәре белән ихлас күңелдән котлыйм!

Барлык әтиләргә дә озак еллар үз балалары өчен ышанычлы таяныч, үрнәк һәм ышанычлы ориентир булып калуларын телим. Гаиләләрегездә җылылык, үзара аңлашу, иминлек һәм мәхәббәт хөкем сөрсен!».

ТР Рәисе матбугат хезмәте

Фото: freepik com