Мәскәү Татар мәдәнияте үзәгендә балалар өчен Чыршы бәйрәме оештырдылар

Мәскәү Татар мәдәнияте үзәгендә балалар өчен ел саен үткәрелә торган традицион Яңа ел чыршысы узган. 

Биредә «Хәзинә» ансамбле артистлары җыр-биюләр һәм уеннар белән театральләштерелгән тамаша оештырды. Аларга «Илдан» ансамбленең балалар төркеме, «Шатлык» ансамбле солистлары кушылды, дип хәбәр итә Мәскәү татарлары автономиясенең матбугат хезмәте. 

Балалар төрле уеннар уйнап, җырлап-биеп күңел ачты. Соңыннан Кыш бабайдан һрберсенә бүләкләр таратты, ди алар. 

Фәния Лотфуллина