Математикадан республика һәм Бөтенроссия олимпиадаларына йомгак ясалды

09 февраль 2026 Мәгариф

Мәктәп укучыларының республика олимпиадасының йомгаклау этабы һәм математикадан Бөтенроссия олимпиадасының төбәк этабы уңышлы тәмамланды. Чара «Яшьләр һәм балалар» милли проекты кысаларында гамәлгә ашырыла.

Интеллектуаль көрәш нәтиҗәләре буенча җиңүчеләр һәм призерлар билгеләнде. Талантлы математикларның географиясе республиканың төрле якларын: Казан, Яр Чаллы, Әлмәт, Түбән Кама, Яшел Үзән, Чистай, Алабуга, Бөгелмә, Лениногорск, Саба һәм Татарстанның башка районнарын колачлады.

Фото: ТР Мәгариф һәм фән министрлыгы сайты