Ни чыкса, Арчалардан чыга!
Бөек Тукайны дөньяга биргән данлыклы Арчада яшә дә шигырь язмый кара! Арча районы мәктәпләрендә эшләүче укытучы һәм тәрбиячеләрнең иҗат җимешләре тупланган «Илһам чишмәсе» исемле яңа китап чыгу бу фик...
Бөек Тукайны дөньяга биргән данлыклы Арчада яшә дә шигырь язмый кара! Арча районы мәктәпләрендә эшләүче укытучы һәм тәрбиячеләрнең иҗат җимешләре тупланган «Илһам чишмәсе» исемле яңа китап чыгу бу фикерне тагын бер кат раслады.
Җыентыкның редакторы – Татарстанның атказанган укытучысы, Россиянең мәгариф отличнигы Фәрхәт Зыятов. Укытучыларның шигырьләрен туплап китап бастыру идеясен Арча мәгариф хезмәткәрләре профсоюз оешмасы җитәкчесе Вакыйф Харисов тәкъдим итте. Арча мәгариф бүлеге җитәкчесе Зөлфәт Дәүләтбаев бу изге эшкә теләктәшлек йөзеннән тиешле ярдәмне күрсәтте.
Китапка барлыгы 34 укытучының шигыре керде. «Дөрес, авторлар профессиональ шагыйрьләр дә, танылган әдипләр дә түгел. Ә шулай да аларның шигырьләрендә, тургай җыры сыман, туган якның, үзең яшәгән төбәкнең дәртле, шул ук вакытта сагышлы да моңы, аһәңе ишетелгәндәй тоела. Саф, якты хисләр ак кәгазь битләренә шигырь булып тезелгән», – ди Фәрхәт Зыятов. Әлеге җыентыкта үземнең дә шигырьләрем урын алуы белән мин бик бәхетле!
Гөлнара МӨБАРӘКШИНА,
Арчадагы 2 нче урта мәктәпнең татар теле Һәм әдәбияты укытучысы
Язмага реакция белдерегез
Вход на сайт
11 декабрьдә изге Болгар җирендә Мәүлид бәйрәме үтәчәк
Мәгълүм булганча, һиҗри ай календаре буенча җиһанда 30 ноябрьдән мәртәбәле айларның берсе – Рабигүл әүвәл ае бара. Чөнки бу айның 11 нче киче аеруча изге санала. Бу төнне Пәйгамбәребез Мөхәммәд Мостаф...
Мәгълүм булганча, һиҗри ай календаре буенча җиһанда 30 ноябрьдән мәртәбәле айларның берсе – Рабигүл әүвәл ае бара. Чөнки бу айның 11 нче киче аеруча изге санала. Бу төнне Пәйгамбәребез Мөхәммәд Мостафа салләллаһу галәйһи вәсәлләм дөньяга килгән. Аллаһы Тәгалә аңа Коръән иңдергән, Җир йөзендә ислам динен җәелдерергә, бәндәләрне шул дингә өндәргә боерган. Һәм бу көн Мәүлид бәйрәме, Мәүлид кичәсе дип йөртелә. Быел ул милади ай календаре буенча 11 декабрь киченә туры килә.
Татарстанда инде дүртенче елны рәттән бу бәйрәм изге Болгар җирендә зурлап билгеләп үтелә. Быел да Татарстан Диния нәзарәте 11 декабрьдә Болгардагы Ак мәчеттә Мәүлид бәйрәменә багышланган төп бәйрәм чарасын уздырачак. Анда республикабыз җитәкчеләре, Россиянең төрле төбәкләреннән, Төркиядән килгән дин әһелләре, җәмәгать эшлеклеләре катнашыр дип көтелә. Алар арасында Тәлгат Таҗетдин, Минтимер Шәймиев, Камил Исхаков та булачак.
Тантана барышында республикабыз җитәкчеләре, төрле төбәк мөфтиләре Мәүлид бәйрәме белән котлыячак, дин әһелләре вәгазьләр сөйлиячәк. Шулай ук салаватлар, мөнәҗәтләр әйтү дә, Болгардагы Ислам академиясен төзеп, файдалануга тапшыру мәсьәләләрен уртага салып сөйләшү дә күздә тотыла.
Бу хакта бүген «Татар-информ» мәгълүмат агентлыгында үткән матбугат конференциясендә Татарстан мөфтие Камил хәзрәт Сәмигуллин, аның беренче урынбасары Рөстәм хәзрәт Батров сөйләде.
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар