Сәләтле яшьләр – икътисади үсеш нигезе

Чараның төп максаты – балалар һәм яшьләрнең сәләтен вакытында ачыклау, аны үстерү өчен нәтиҗәле шартлар булдыру, мәгарифне фән һәм икътисад белән бәйләү, яшьләргә киләчәк һөнәрләрен сайлауда ярдәм итү. Биредә «Сәләт һәм икътисад» темасына пленар утырыш, шулай ук фәнни-технологик эшчәнлек, сәләтле балаларга психологик-педагогик ярдәм күрсәтү, аларның потенциалын үстерү һәм яшьләрне һөнәри юнәлештә әзерләү мәсьәләләренә багышланган тематик секцияләр узды. Катнашучылар шулай ук төбәкләрдә сәләтле балалар белән эшләү тәҗрибәсе белән дә уртаклашты.