Татар теле, әдәбияты һәм тарихы буенча студентлар арасында олимпиада узачак
Татарстанның урта һөнәри һәм югары мөселман уку йортлары студентлары татар теле, татар әдәбияты һәм татар тарихы буенча III Республика олимпиадасында катнаша ала. Гаризаларны 20 нче апрельгә кадәр тап...
Татарстанның урта һөнәри һәм югары мөселман уку йортлары студентлары татар теле, татар әдәбияты һәм татар тарихы буенча III Республика олимпиадасында катнаша ала. Гаризаларны 20 нче апрельгә кадәр тапшырырга мөмкин, дип хәбәр итә ТР мөселманнары Диния нәзарәтенең матбугат хезмәте.
Татар теле буенча олимпиадада катнашучылар биремнәрне язмача башкарачаклар. Тест фонетика, лексикология, морфология, синтаксис һәм пунктуация сорауларын үз эченә ала.
Әдәбият буенча интеллектуаль ярыш ике төргә бүленә. Кызларга «татар әдәбияты һәм дин» юнәлеше буенча тикшеренү эшләрен якларга кирәк булачак, аның күләме – 15-20 бит. Эшләрне яклауга 5-7 минут вакыт бирелә, шуннан соң жюри сораулар бирә ала. Егетләр 10 минут эчендә алдан әзерләнгән ирекле темага вәгазь сөйләргә тиешләр.
Татар халкы тарихы буенча олимпиада тест узу һәм чыганаклар белән эшләүне күздә тоткан аерым биремнәрне үтәүдән гыйбарәт.
Олимпиадада катнашу өчен тулы исем, элемтә телефоны, электрон адрес, уку йорты, олимпиада юнәлеше, фәнни-тикшеренү эше темасы (татар әдәбияты һәм дине буенча) һәм укытучының тулы исеме күрсәтелгән заявканы riitatkafedra@mail.ru почтасына җибәрергә кирәк. Җиңүчеләр һәм призерлар олимпиада нәтиҗәләре буенча һәр 3 юнәлештә билгеләнәчәк.
Олимпиада Россия ислам институты тарафыннан Татарстанда милли мәдәниятләр һәм гореф-гадәтләр елы, Россиядә педагог һәм остаз елы кысаларында оештырыла.
Татар теле буенча олимпиадада катнашучылар биремнәрне язмача башкарачаклар. Тест фонетика, лексикология, морфология, синтаксис һәм пунктуация сорауларын үз эченә ала.
Әдәбият буенча интеллектуаль ярыш ике төргә бүленә. Кызларга «татар әдәбияты һәм дин» юнәлеше буенча тикшеренү эшләрен якларга кирәк булачак, аның күләме – 15-20 бит. Эшләрне яклауга 5-7 минут вакыт бирелә, шуннан соң жюри сораулар бирә ала. Егетләр 10 минут эчендә алдан әзерләнгән ирекле темага вәгазь сөйләргә тиешләр.
Татар халкы тарихы буенча олимпиада тест узу һәм чыганаклар белән эшләүне күздә тоткан аерым биремнәрне үтәүдән гыйбарәт.
Олимпиадада катнашу өчен тулы исем, элемтә телефоны, электрон адрес, уку йорты, олимпиада юнәлеше, фәнни-тикшеренү эше темасы (татар әдәбияты һәм дине буенча) һәм укытучының тулы исеме күрсәтелгән заявканы riitatkafedra@mail.ru почтасына җибәрергә кирәк. Җиңүчеләр һәм призерлар олимпиада нәтиҗәләре буенча һәр 3 юнәлештә билгеләнәчәк.
Олимпиада Россия ислам институты тарафыннан Татарстанда милли мәдәниятләр һәм гореф-гадәтләр елы, Россиядә педагог һәм остаз елы кысаларында оештырыла.
Фәния Лотфуллина
Язмага реакция белдерегез
Вход на сайт
Яңа Арыш мәктәбендә – Әлифба бәйрәме
Әлифба бәйрәме – мәктәп елларында истә кала торган иң тәүге бәйрәмнәрнең берсе.Безнең Яңа Арыш урта мәктәбендә дә әлеге бәйрәм булып үтте. Кичә генә кыяр-кыймас, мең сорауга җавап табарга теләп мәктәп...

Әлифба бәйрәме – мәктәп елларында истә кала торган иң тәүге бәйрәмнәрнең берсе.
Безнең Яңа Арыш урта мәктәбендә дә әлеге бәйрәм булып үтте. Кичә генә кыяр-кыймас, мең сорауга җавап табарга теләп мәктәп ишеген ачып кергән укучыларыбыз бүген беренче җиңүләрен бәйрәм иттеләр. Балаларның беренче укытучылары Гөлназ апаларына булган хөрмәт, ышаныч күзләрендә чагыла.
Зал бәйрәмчә бизәлгән. 1 нче сыйныф укучылары тәүге дәреслеклекләре – Әлифбаны укып тәмамладылар. Алар, Әлифбага багышлап, җырлар җырладылар, сәнгатьле итеп шигырьләр сөйләделәр. Төрле сорауларга җавап биреп, үзләренең зирәклекләрен күрсәттеләр. Соңыннан «Йомры икмәк» әкиятен сәхнәләштерделәр.
Бәйрәмгә укучыларның әниләре дә килгән иде. Чөнки Әлифбаны тәмамлау әниләрнең дә зур җиңүе булып исәпләнә. Бала тәрбияләүдә әти-әни, укытучы, укучы кулга-кул тотынып эшләгәндә генә югары уңышларга ирешергә мөмкин шул.
Укучылар әниләренә үз куллары белән ясалган хезмәт җимешләрен бүләк иттеләр. Әниләрнең йөзләрендә тагын бер кат шатлык хисләре балкыды. Ә укучыларга Әлифбаны яхшы тәмамлауларының нәтиҗәсе итеп Дипломнар тапшырылды.
Киләчәктә әлеге укучыларга белем серләренә төшенергә,бөек үрләр яуларга насыйп булсын!
Айгөл ВӘЛИЕВА,
Балык Бистәсе районы Яңа Арыш урта мәктәбенең башлангыч сыйныфлар укытучысы
Безнең Яңа Арыш урта мәктәбендә дә әлеге бәйрәм булып үтте. Кичә генә кыяр-кыймас, мең сорауга җавап табарга теләп мәктәп ишеген ачып кергән укучыларыбыз бүген беренче җиңүләрен бәйрәм иттеләр. Балаларның беренче укытучылары Гөлназ апаларына булган хөрмәт, ышаныч күзләрендә чагыла.
Зал бәйрәмчә бизәлгән. 1 нче сыйныф укучылары тәүге дәреслеклекләре – Әлифбаны укып тәмамладылар. Алар, Әлифбага багышлап, җырлар җырладылар, сәнгатьле итеп шигырьләр сөйләделәр. Төрле сорауларга җавап биреп, үзләренең зирәклекләрен күрсәттеләр. Соңыннан «Йомры икмәк» әкиятен сәхнәләштерделәр.
Бәйрәмгә укучыларның әниләре дә килгән иде. Чөнки Әлифбаны тәмамлау әниләрнең дә зур җиңүе булып исәпләнә. Бала тәрбияләүдә әти-әни, укытучы, укучы кулга-кул тотынып эшләгәндә генә югары уңышларга ирешергә мөмкин шул.
Укучылар әниләренә үз куллары белән ясалган хезмәт җимешләрен бүләк иттеләр. Әниләрнең йөзләрендә тагын бер кат шатлык хисләре балкыды. Ә укучыларга Әлифбаны яхшы тәмамлауларының нәтиҗәсе итеп Дипломнар тапшырылды.
Киләчәктә әлеге укучыларга белем серләренә төшенергә,бөек үрләр яуларга насыйп булсын!
Айгөл ВӘЛИЕВА,
Балык Бистәсе районы Яңа Арыш урта мәктәбенең башлангыч сыйныфлар укытучысы
Следите за самым важным и интересным в Telegram-каналеТатмедиа
Яңалыклар битенә керегез
Комментарийлар