Татарстан вәкиллеге тарихи бинада

31 января 2024 Admin

Россиядә татарлар яшәмәгән төбәкләр сирәктер. Алар арасында үзләреннән соң бай мирас – ташпулатлар калдырып киткәннәре дә шактый. Татарстанның Свердловск өлкәсендәге даими вәкиллеге тарихи архитектура һәйкәле статусындагы төзекләндерелгән бинага күчте.

Ул йорт 1895 елда бертуган меценатлар Зәйнетдин, Кашафетдин, Камалетдин Агафуровларның шәхси акчасына төзелгән.

Екатеринбургта узган бу чарада Бөтендөнья татар конгрессының Милли Шура рәисе, ТР Премьер-министры урынбасары Васил Шәйхразыев, Свердловск, Чиләбе, Курган өлкәләрендәге, Пермь краендагы татар милли-мәдәни мохтариятлары җитәкчеләре, Үзбәкстан, Таҗикстан, Азәрбайҗан республикалары вәкиллекләре хезмәткәрләре, Свердловск өлкәсе губернаторы урынбасары Азат Салихов һәм хөкүмәт әгъзалары катнашты.

Очрашуда катнашучылар төбәктә яшәүче татарлар тормышы белән танышты, үзара хезмәттәшлек җепләрен ныгыту хакында сөйләште, бер төркем милләттәшләребезгә истәлекле бүләкләр тапшырылды, – дип хәбәр итә татар конгрессы матбугат үзәге.

Альберт САБИР