Татарстанның ел укучысы исеменә Руслан Котляров лаек булды (ФОТО)

Бүген Казанда “Пирамида” мәдәни-күңел ачу комплексында Татарстанның талантлы яшьләрен хөрмәтләделәр.

Укучыларның бөтенроссия предмет олимпиадасы җиңүчеләрен һәм алдынгы урыннарны алучыларны, “Татарстан Республикасының ел укучысы – 2014” бәйгесе җиңүчесен ТР Премьер-министры урынбасары – мәгариф һәм фән министры Энгель Фәттахов котлады.

Ел укучысы исеменә Казанның 131 нче лицееның 8 нче сыйныфны тәмамлаучы укучысы Руслан Котляров лаек булды.