Укучылар һәм студентлар өчен интеллектуаль фестиваль

4  марттан 25 апрельгә кадәр Казан дәүләт энергетика университетында интеллектуаль фестиваль бара. Әлеге чарага мәктәп укучылары һәм студентлар да катнаша ала.

«Энергояз» фестивалендә катнашучыларны ике яшь категориясенә бүләчәкләр: университетлар һәм мәктәпләр/көллиятләр. Программада рус, татар һәм инглиз телләрендә сораулар белән 11 интеллектуаль дисциплина, шулай ук дүрт белем бирү программасы булачак, дип хәбәр итә Киров һәм Мәскәү районнары администрациясе.

Укучыларны һәм студентларны «Интеллектуаль дуэль», «Тарих белгечләре», «Әдәби пентагон», «Дебатлар», «Эрудит-квартет» һәм башка уеннар көтә. Лекцияләр командада эшләү, халык алдында чыгыш ясау, вакыт һәм стресс белән идарә итү, иҗади фикерләү темаларына багышланачак.

Фото: Денис Гордийко