Татарстан методистлары өчен «Иң яхшы методист» бәйгесе игълан ителде

10 июль 2026 Лилия ХИСМӘТОВА

Татарстан методистларына хөкүмәт «Иң яхшы методист» исемендәге грант бирү тәртибен раслады. Ул муниципаль белем бирү органнарының методистларына, өлкән методистларына һәм мәгълүмати-методик бүлекләре җитәкчеләренә юнәлдерелгән.

Гариза бирү өчен белгечләрнең стажына карата таләпләр билгеләнгән: методист булып эшләү стажы ким дигәндә өч ел булырга тиеш. Моннан тыш, һәр кандидат методик эш системасын үстерүгә юнәлдерелгән шәхси проектын тәкъдим итәргә мәҗбүр.

305 җиңүче билгеләнәчәк. Алар һәрберсе 172 414 сум алачак. Конкурста катнашу өчен гариза, шәхси проект, профессиональ казанышлар турында мәгълүматлар тапшырылырга тиеш. Эшләрне махсус комиссия бәяли. Иң күп балл җыйган катнашучылар җиңүче булып таныла.