Югары уку йортлары киләсе елга яңа белем бирү системасына күчә

РФ фән һәм югары белем министры урынбасары Дмитрий Афанасьев шулай дип белдергәнчә, Россия югары уку йортларында югары белем бирүнең яңа илкүләм системасы аның макеты тулысынча формалаштырылгач – 2025 елның 1 сентябреннән гамәлгә кертеләчәк.
Россия Президенты Владимир Путин өч дәрәҗәле югары белем бирү системасын гамәлгә кертү турындагы указны 12 майда имзалады. Ул төп һәм махсуслаштырылган, шулай ук һөнәри белем бирүнең бер дәрәҗәсен – аспирантураны күздә тота. Югары белемнең төп дәрәҗәсен алу срогы дүрт елдан алты елга кадәр тәшкил итәчәк.