27 майдан җәйге каникул башлана

Мәктәп укучыларының каникулы 27 майдан алып 31 августка кадәр дәвам итәчәк. Ә 9 нчы һәм 11 нче сыйныф укучылары өчен уку елы  Төп һәм Бердәм дәүләт имтиханнары расписаниесенә бәйле рәвештә тәмамланачак.

РФ мәгариф министры Сергей Кравцов билгеләп үткәнчә, җәйге ял мәктәп укучыларына көч һәм энергия тупларга ярдәм итә. Шулай ук ул ассызыклаганча, каникул вакытында мәктәпләр каршында лагерьлар һәм балалар үзәкләре эшләячәк. Укучылар спорт һәм сәламәтләндерү чараларында, төрле бәйгеләрдә, уен программаларында һәм мастер-классларда катнаша алачак.

Фото: нейрочелтәр