Армия генералы Мәхмүт Гәрәевне искә алдылар

Мәскәү өлкәсенең Мытищи шәһәрендә Федераль хәрби мемориаль зиратта армия генералы, хәрби һәм тарих фәннәре докторы, Бөек Ватан сугышы катнашучысы Мәхмүт Гәрәевне искә алдылар. Аның турында «Татар-информ» хәбәр итә. 
Чарага аның гаилә әгъзалары, туганнары, Татарстан Республикасының Россия Федерациясендәге Вәкаләтле вәкиле һәм Мәскәү татарларының милли-мәдәни автономиясе вәкилләре килгән иде, дип хәбәр итә Россия Мөфтиләр шурасы.
23 июльдә Мәхмүт Гәрәевнең тууына 99 ел тулды. Шул уңайдан чарага җыелучылар хәрби җитәкчене искә алды.

Мәхмүт Гәрәев – биш сугышта катнашкан легендар шәхес. Аның күпсанлы бүләкләре арасында дүрт Кызыл Байрак ордены, өч Кызыл Йолдыз ордены, Бөек Ватан сугышының I дәрәҗәдәге ике ордены һәм башкалар бар. Мәхмүт Гәрәев актив җәмәгать эшлеклесе булган, Мәскәүнең татар автономиясе уздырган чараларда катнашкан.

Изображение: Институт Татарской энциклопедии