Кабан күле турында аудиоспектакль

Казанда шәһәр халкыннан җыелган тарихлар нигезендә Кабан күле турында аудиоспектакль булдырачаклар. Хикәя белән 1 августка кадәр бүлешергә мөмкин. Бу турыда Казан мэриясе хәбәр итә. 
Казанлылар үз тарихларын да, ата-аналары, әби-бабаларыныкын да сөйли ала. Вакыйгаларның вакыты һәм хикәяләр темасы мөһим түгел – бу берничә дистә ел элек ясалган күзәтү яки кичә булган танышлык булырга мөмкин. Тарихны сылтама буенча кабул итәләр. 
Аудиоспектакльне Кабан күле яр буе кураторы Ксения Шачнева һәм режиссёр, драматург Динә Сафина иҗат итәчәк, дип хәбәр иттеләр Казанның парклар һәм скверлар дирекциясендә.