Казан IT-лицее укучысы кылый күзлелекне төзәтү аппараты уйлап тапкан

19 декабря 2023 Мәгариф

Татарстан башкаласы мэриясенең матбугат хезмәте хәбәр итүе буенча, Казан IT-лицее укучысы Глеб Смородинов уйлап тапкан кылыйлыкны дәвалау җайланмасы иң яхшы 30 эшләнмә исемлегенә кергән һәм Бөтенроссия уйлап табучылар һәм рационализаторлар җәмгыяте премиясенең «Импакт-проект» номинациясендә җиңү яулаган. Глеб Смородинов үз ачышы өчен патент откан.

Әлеге җайланма галим Алексей Поспелов ысулы белән кылыйлыкны дәвалауны автоматлаштыру нияте белән уйлап чыгарылган. Прибор ярдәме белән пациент күнегүләр ясый ала.

Глеб Смородинов үзенең киләчәктә уйлап тапкан җайланмасының медицина сертификациясен үтүе, аннан соң приборны күпләп җитештерүгә чыгарырга теләвен белдерде.