2024 елда Татарстан мәдәнияте көннәре Иран, Азәрбайҗан һәм Мисырда була

Татарстан мәдәният министры Ирада Әюпова хәбәр итүе буенча, 2024 елда берничә илдә һәм Россиянең берничә төбәгендә Татарстан мәдәнияте көннәрен уздыру планлаштырыла.

Үз чиратында Татарстанда Кыргызстан мәдәнияте көннәре узачак.

Министр сүзләренчә, быелдан башлап, традицион концертлардан, күргәзмә чараларыннан тыш, программага балалар өчен дә, өлкәннәр өчен дә белем бирү чаралары керә. Алар – иҗади очрашулар, халык сәнгате кәсепләренең барлык өлкәләрендә иң яхшы практикалар буенча тәҗрибә уртаклашу һәм мастер-класслар.