Әдәбият институтының студенты Мәскәү чемпионатында җиңгән

Горький исемендәге Әдәбият институты студенты Рамазан Рәхимҗанов ятып штанга күтәрү буенча Мәскәү чемпионатында җиңгән. Бу хакта «Татар-информ» хәбәр итә. 

Әдәбият институтының II курс студенты Рамазан Рәхимҗанов 105 кг га кадәр авырлык күтәреп 23 яшькә кадәргеләр арасында абсолют җиңүче булды.
Рамазан татар теленнән сәнгати тәрҗемә төркемендә укый. Педагогы – шагыйрә һәм тәрҗемәче Алия Кәримова.
Рамазан Рәхимҗанов тумышы белән Әлмәт шәһәреннән. Татар теленнән сәнгати тәрҗемә өчен Әдәбият институты җыйган махсус төркемдә белем ала.

Фото: «Татар-информ»