Апаска Россия Федерациясе Дәүләт думасы депутаты Айрат Фаррахов килде
Апас урта мәктәбендә капиталь төзекләндерү эшләренең башлануы белән танышкан.
“Апас-информ” агентлыгы хәбәр итүе буенча, бүген, 12 гыйнвар көнне, Татарстанның Апас муниципаль районына эш сәфәре белән Россия Федерациясе Дәүләт думасы депутаты Айрат Фаррахов килгән.
Ул үзенең сәфәрен Апас урта мәктәбеннән башлаган.
Апас урта мәктәбендә капиталь төзекләндерү эшләренең башлануы белән танышкан. Шулай ук ашханәдә балаларны кайнар ризык белән тукландыруны караган. Хәтта үзе дә шул ризыкларны авыз иткән.
“Әлеге ашханә бик матур, барлык таләпләргә туры килә. Үзем дә ашап карадым, бик тәмле әзерлиләр”, - дип әйткән Айрат Фаррахов.
Фото "Апас-информ" сайтыннан алынды
Язмага реакция белдерегез
Вход на сайт
Нәҗип Җиһановның туган көненә махсус программа
Казанда Нәҗип Җиһановның туган көненә махсус программа узачак.
Казанда татар академия музыкасына нигез салучыларның берсе - Нәҗип Җиһановның туган көненә махсус программа узачак. Быел аның тууына 113 ел тула.
Чараларны композиторның оныгы, Н. Җиһанов музее (Милли музей филиалы) мөдире Алексей Егоров оештыра. Аның әйтүенчә, Нәҗип Гаязовичның хезмәттәшләре һәм дуслары турында күргәзмә ачылачак, аның операларыннан фрагментлар һәм кыллы квартет башкаруында татар композиторлары музыкасы яңгыраячак.
Композитор Нәҗип Җиһанов музеенда 2 концерт программасы узачак. 15 гыйнварда «Җиһанов музыкасының тылсымлы дөньясы» концерты була, анда композиторның «Алтынчәч», «Җәлил», «Тюляк», «Намус», «Качкын» операларыннан фрагментлар яңгыраячак. Башкаручылар - Опера студиясе солистлары, Казан консерваториясе музыкаль театр кафедрасы студентлары һәм педагоглары, «Сөембикә» ансамбльләре һәм «Делиция» хоры солистлары. Сәнгать җитәкчесе - профессор Әлфия Җаббарова.
16 гыйнварда Нәҗип Җиһанов исемендәге кыллы квартет татар композиторлары музыкасын уйнаячак.
Шул ук көнне ТР Милли музеенда «Нәҗип Җиһанов галактикасы» күргәзмәсе ачылачак.
Фәния Лотфуллина
Фото ТР Мәдәният министрлыгының матбугат үзәгеннән
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар