Бушлай азык-төлек тәтерме?

Ләкин сөенергә ашыкмагыз: бушлай азык-төлеккә пенсионерлар һәм социаль яктан якланмаган гражданнар гына өмет итә ала.

«Гадел Россия — хакыйкать өчен» фракциясе  депутатлары сәүдә челтәрләрендә һәм кибетләрендә яраклылык вакыты чыккан  азык-төлекләр өчен бушлай киштәләр булдырырга тәкъдим итә. «Известия» хәбәр иткәнчә, тиешле закон проектын Дәүләт Думасына кертү дә күздә тотыла. Моның өчен пенсионерларга, мохтаҗ кешеләргә раслаучы документлар күрсәтергә кирәк булачак.

Россиядә артык продукцияне файдалы кулланмау проблемасы бүген дә саклана. Барлык продуктларның өчтән бер өлеше калдыкларга әверелә икән. Гомумән, яраклылыгы чыккан продукцияләрне тәкъдим итү турында түгел, бәлкем, мохтаҗларга иң кирәкле продукцияләрне бушлай бирү турында да уйланырга кирәктер?

Таңсылу Габидуллина