Дустанә илләр вәкилләре Казанда мәгариф министрлары форумында җыелачак

Казанда 10-11 июньдә югары технологияләр өлкәсендә «Бәшир Рәмиев исемендәге ИТ-парк» технопаркы мәйданчыгында «Киләчәк формалаштырганда» мәгариф министрларының икенче Халыкара форумы узачак. Чара Россия Мәгариф министрлыгы, Татарстан Республикасы Хөкүмәте һәм "Минем тарих" гуманитар фәннәргә ярдәм фонды тарафыннан оештырыла. Форумга чит дәүләтләрнең 100дән артык вәкиле чакырылган. Алар арасында гомуми һәм югары белем министрлары да бар.

Форумның эшлекле программасы кысаларында катнашучылар халыкара белем бирү тирәлеген, кыйммәтләр системасын, тәрбияләү, белем бирүнең сыйфатын һәм һәркем алырлык булуын бәяләүгә кагылышлы темалар буенча фикер алышачаклар. Алар шулай ук икътисад үсешендә белем бирүнең роле, яшьләр, ОВЗ белән эшләүнең үзенчәлекләре турында фикер алышалар. Моннан тыш, форум кысаларында БРИКС илләренең мәгариф министрлары очрашуы узачак, анда глобаль дөньяви чакырулар фонында агарту проектлары өлкәсендә дәүләтара берләшү үсешенә йомгак ясалачак. Форум эшендә барлыгы 1000нән артык кеше катнашачак.