Экояз акциясе дәвам итә
1 апрельдә кошларга багышланып старт алган “Экояз” (“Эковесна”) республика конкурсы дәвам итә
Инде күпме сыерчык оялары ясалды, калдыкларны аерым җыю да оештырылды. Әйләнә -тирә территорияләрне җыештыруда да мәктәп укучылары активлык күрсәтә.
.jpeg)
Биектау районының Әлдермеш урта гоумбелем мәктәбе укучылары да “ЭкоЯз” акциясенә бердәм кушылды.
–Көн саен бер эш башкарабыз. Бүген мәктәп янында гына гектарлаган җирдә җиләк- җимеш бакчабызда агач- куакларны авыру, карт ботаклардан арындырдык. Узган шимбәдә авылыбызга керә торган бөтен юлларны чүп- чардан арындырдык. Башка авыллардан аермалы буларак, безнең Әлдермешкә керү юллары бихисап бит! Сая- Әлдермеш, Өбрә- Әлдермеш, Кавал – Әлдермеш – Каймар юллары, Березка – Өнсә – Әлдермеш, Карьер юллары һәм башкалар,– ди мәктәпнең биология укытучысы, укыту эшләре буенча директор урынбасары Гөлназ Сабирова.
Мәктәпнең 2 га җиләк-җимеш бакчасы һәм 0.1 га тәҗрибә участогы булуын да әйтсәк, ЭкоЯз экоКөзгә кадәр дәвам итәчәк әле. Гөлназ Мансур кызы җитәкчелегендәге тәҗрибә участогында укучылар яшелчәләрне төрлечә сынап карыйлар. Әйтик, кишернең бер түтәлен сирәкләп, икенчесен сирәкләми генә дә үстереп караганнар. Орлык бәрәңгесен дә төрлечә ярып та, ярмыйча да, күзәнәк санынча да утыртып караганнар. Кайсысыннан уңыш ничек чыгуын язып теркәп баралар.
Расиха Фаизова
Фото: Гөлназ Сабирова
Галерея
Язмага реакция белдерегез
Вход на сайт
Казанлылар «Георгий тасмасы» Бөтенроссия акциясенә кушыла алалар
ТР башкаласының Башкарма комитетының балалар һәм яшьләр эшләре комитетында билгеләп үтүләренчә, Җиңү бәйрәменә кадәр шәһәрдә 50 мең бәйрәм ленталары таратылачак.
Акция Камал театры янындагы мәйданнан 24 апрельдә башланды. Ә инде бүген 300 метрлы Георгий тасмасын Кремль яр буенда, «УРАМ» экстрим-паркы янында җәйделәр. Бу эш яшьләр оешмалары тарафыннан башкарыла.
Быел Казанда Бөек Ватан сугышында Җиңүнең 79 еллыгын бәйрәм итүгә багышланган 130 га якын чара үтәчәк. Бәйрәм төрле акцияләр, фейерверклар, концертлар белән бизәләчәк. Төп чаралар гадәттәгечә Меңьеллык мәйданда узачак. Сәгать 10:00 дә Казан гарнизоны гаскәрләре һәм тарихи хәрби техника парады башланачак. Казан халкын котларга Россиянең халык артисты Дмитрий Певцов киләчәк.
Таңсылу Габидуллина
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар