«Ел укытучысы – 2024»

«Ел укытучысы – 2024» бөтенроссия конкурсының шәһәр этабы башланды. Биредә 125 педагог көч сынаша.

Катнашучыларга дәрес, тәрбия вакыйгасы, мастер-класс һәм «Ел укытучысына сорау» матбугат конференциясе кебек сынаулар аша үтәргә кирәк булачак.

Башкарма комитетының мәгариф идарәсендә хәбәр итүләренчә,  «Кеше тәрбияләү», «Күңелемне биреп эшлим», «Педагогик дебют», «Педагог-ветеран», «Тәрбия һәм укыту туган телдә алып барылучы төркем тәрбиячесе» кебек номинацияләр буенча катнашырга мөмкин. Барлыгы 14 номинация тәкъдим ителә.

Хәтерләсәгез, узган ел конкурсында  «Адымнар» полилингваль комплексының рус теле һәм әдәбияты укытучысы Екатерина Лисина җиңгән иде. Иң яхшы педагог 91 финалист арасыннан сайланды.

Таңсылу Габидуллина