Яңа елга Казан исе килгән шәм

Казанда Яңа ел бәйрәме хөрмәтенә уникаль хуш исле шәм ясадылар. Ул һәрвакыт яраткан башкалабызны искә төшерәчәк. Шәм халыкның «Казан сезнең өчен нәрсә белән ассоциацияләнә?» дигән сорауга җаваплары нигезендә эшләнгән.

Шәмнән пешкән кабак, каштан һәм әфлисун исләре килә, шулай ук корица һәм клен ноталары да тоемлана, дип хәбәр итә шәһәр башкарма комитетының Туризмны үстерү комитеты. 

Яңа ел алдыннан Казанда «КышДаКар-фест» фестивале башланды. Үзмәшгульләр һәм фермерлар продукциясе тәкъдим ителә торган сәүдә рәтләре ике мәйданчыкта Бауман урамында һәм Киров бакчасында урнашкан.

Фәния Лотфуллина