Касыйм ханлыгы тарихын барлыйлар

Рязань өлкәсендәге Касыйм шәһәрендә, элеккеге Касыйм ханлыгының башкаласында, Ханкирмәндә (Касыймның икенче бер атамасы) Идел Болгарстанында ислам дине кабул ителүнең 1100 еллыгына, Касыйм ханлыгына нигез салынуга 570 ел тулуга багышланган алтынчы Бөтенроссия фәнни-гамәли конференция - Мөхлисә Буби укулары башланды. Касыймга барышлый без Шыгырдандагы "Гөлестан" мәдрәсәсендә, Саранскида, Мордовия татар аксакаллар шурасы рәисе Шамил Бикмаевта булып, кардәшләребезнең хәлен белешеп чыктык (2, 3 нче фото). Касыйм шәһәре ачык йөз белән каршы алды. Җылы, кояшлы һаваны гына әйтүем түгел. Әйтик, касыймлы Валерий Куприянов, мин Корбан, Рамазан гаетләрендә мәчеткә, христиан бәйрәмнәрендә мәчеткә барам, дип сөйләде. (1 фото)



Конференция барышында Касыйм-Казан багланышлары хакында шактый кызыклы чыгышлар яңгырады. Бу хакта соңрак тәфсилләбрәк язачакбыз.

Рәшит Минһаҗев