Казанда «Ел остасы» конкурсында җиңүчеләрне бүләкләү тантанасы узды

21 мая 2024 Таңсылу Габидуллина

2024 елның 16 маенда Казанда, Владимир Ленин исемендәге мәдәни-ял итү комплексында урта һөнәри белем бирү системасында эшләүче педагоглар арасында “Ел остасы” Бөтенроссия конкурсында җиңүчеләрне бүләкләү тантанасы булды, дип хәбәр итә ТР Мәгариф һәм фән министрлыгы матбугат хезмәте.

2024 елда Калугада һөнәри белем бирү федераль технопаркында флаг эстафетасы старт алды. Ул конкурсны популярлаштыру буенча төбәк акцияләре сериясен ачты һәм илнең барлык федераль округларын берләштерә. Татарстан флагны Төньяк-Көнбатыш федераль округыннан – Коми Республикасы вәкиле, Сыктывкар политехник техникумы укытучысы, «Ел мастеры–2023 » төбәк этабында җиңүче Екатерина Владимировнадан кабул итте.

Флаг эстафетасының эшлекле программасы алдан һөнәри әзерлек үзәге базасында узды. Чарада катнашучыларга профориентацияләүнең һәм укучыларны һөнәри эшчәнлеккә әзерләүнең нәтиҗәле практикасы күрсәтелде.