Казанның 152 автобусы кондукторсыз түләү системасына күчәчәк
Быел 152 «ПАТП №2» МУП автобусында юл өчен түләүнең кондукторсыз системасы кертеләчәк. Бу хакта транспорт комитеты рәисе Алексей Сидоров хәбәр итте.
Сүз уңаеннан, узган ел «Метроэлектротранс» барлык троллейбус һәм трамвайларны кондукторсыз системага күчерү эшен тәмамлады. Валидаторлар 96 трамвайда һәм 160 троллейбуста урнаштырылган. Хезмәт хакы фонды буенча экономия 224 млн сум тәшкил иткән. Контролерларның бер өлеше машина йөртүчеләр, контроль хезмәт ревизорлары булып эшли башлады.
Фото: Денис Гордийко
Комментарийлар