КФУ укытучыларның эш хакы күләмен ТР буенча уртача күрсәткечнең 200 процентына җиткерде

Казан (Идел буе) федераль университеты укытучыларның хезмәт хакы күләмен Татарстан буенча уртача күрсәткечнең 200 процентына кадәр җиткерде. 2017 елның ахырына төп вуз да, аның Чаллы, Чистай һәм Алабугадагы филиаллары да 201-202 процент күрсәткеченә иреште.
КФУ Россия Президенты Владимир Путинның май указлары үтәлешенә үз өлешен кертте, дип белдерде югары уку йорты ректоры Илшат Гафуров журналистларга.
Тулаем алганда, КФУда әлеге күрсәткеч - 5, ә ассистентлар, мөгаллимнәр, өлкән укытучылар, доцентларныкы 7 процентка артачак.