Киләсе ел өчен матбугатка язылу башланды                  

Россия почтасы бүгеннән башлап  махсус акция оештыра. Почта клиентлары  ике ай дәвамында  үзләре теләгән газета-журналларга быелгы бәядән языла алачак. Андый басмаларның саны 1300 дән артып китә. 
Язылучыларга уңайлы булсын өчен, подписканы Россия почтасының мобиль кушымтасына кереп, йә  булмаса  podpiska.pochta.ru сайты аша үткәрү мөмкинлеге бар. Газета-журналларга язылуны хат ташучылар өйләргә килеп тә оештыра.
Шунысын да әйтик: Россия почтасы  җәмгыяте илебездәге  42 мең почта бүлеген берләштерә.

                                     Альберт ЗАҺИРОВ

фото: pixabay