Милли китапханәдә «Мәйдан» журналының юбилее үткәрелә

16 сентябрь көнне 16.00 сәгатьтә  ТР Милли китапханәсендә “Мәйдан журналына 15 яшь» дип аталган әдәби-музыкаль кичә үткәрелә.

Бәйрәм кичәсендә Разыйл Вәлиев, Равил Фәйзуллин, Данил Салихов, Вахит Имамов, Факил Сафин, Айдар Хәлим, Илфак Ибраһимов,  Шаһинур Мостафин, Шәмсия Җиһангирова, Сөмбел Таишева, Радик Сабиров кебек танылган шагыйрь-язучылар, газета-журнал җитәкчеләре чыгыш ясаячак. Чарага шулай ук Ләбиб Лерон, Йолдыз Миңнуллина, Рабит Батулла, Ренат Харис, Рәдиф Гаташ, Гәрәй Рәхим, Васил Гарифуллин, Зиннур Хөснияр, Рөстәм Галиуллин, Лена Гайнанова, Раиф Мәрданов, Илсөяр Ихсанова һ.б. чакырылачак. Бәйрәмне Зөләйха Минхаҗева алып барачак.