Өлкән яшьтәгеләр өчен балалар бакчалары үрнәгендә оешмалар булдырырга тәкъдим иттеләр

17 март 2026 Мәгариф

Россиядә өлкәннәр өчен балалар бакчалары тибында учреждениеләр барлыкка килергә мөмкин. Әлеге тәкъдим белән «Бердәм Россия» форумында ТРда Бала хокуклары буенча вәкаләтле вәкил Светлана Захарова чыгыш ясады, дип хәбәр итә «Татар-информ».

Светлана Захарова фикеренчә, балалар бакчалары тибындагы учреждениеләрне ачу даими кайгыртуга мохтаҗ өлкән яшьтәге әти-әниләрне караусыз калдырмаска мөмкинлек бирә. Шул ук вакытта аларның балалары хезмәт эшчәнлеген саклап калачак.